SO WOS SCHÜINS MOU MA SOUCHA

Oberpfälzer Gedichte von Eugen Oker
Poems in the Oberpfälzer dialect by Eugen Oker

AS WIAZHAUS

    bal de dei wei eachad
    bal da nixn groudd
    woarum solsd nouchand niad ens wiazhaus güi

    en wiazhaus red de kinar o
    dou loud ma de hogga wäisd moxd
    und balsd asxuffa hosd
    dragd da s moil
    oifach no a halwe zouwa

    dou hoxd nouchand
    so langsd moxd
    a bal sa se eachan iwa di
    däi song nixn

    warum solsd nouchand niad ens wiazhaus güi

FUSBAL

    mei bou schbüld fusbal
    dea däbb dea bläide
    an jedn sundda
    kumd a mid an andan bäggl
    hoim

    homs eam niad amal
    as halwade ouawaschl wäggadren
    wäi a se afm bal drafgschmissn hod

    a Tormann is a
    wäi sa se hoissn
    ale sans gans nasch damid
    wal a se eineloud wäi a bläida
    als wäi wen des niad gans wuaschd waar
    wou a so a bal
    hiruld

SAMARIDDA

    gesdan wäi e gaggad ho
    kumd da leara dahea
    af da schdrouss drenden
    mid sein modoraal

    i schau hi
    dou hauz n scho eine
    en da kuafm
    en schdroussgrom

    i aggad affe
    i aggad oiche
    räad se nix
    i aggad numal affe und oiche
    räiad se awl no nixn

    deng a ma
    mousd denaschd amal higüi
    dou sich e
    wäi ar assagräichd

SCHNÖL GÄIDS

    de lenga zeid en mein leem
    hoz awl ghoissn
    haldd dei maal
    du junga duddara

    owa af ar amal
    hod oina xagd zo mia wäi e a mei ka dreigem ho wöln
    haldd dei maal
    aldda däbb aldda

    is fei koi langa wech niad
    fo an junga duddara
    zo an alddn däbbm





(return to my personal details)